ბოლივიის სამხრეთით, ტარიხას პროვინციაში ტყეების ხანძარს ორი ადამიანი ემსხვერპლა. ადგილზე 1200-ზე მეტი მეხანძრე და 1000-ზე მეტი ჯარისკაცია მობილიზებული.

ქარიანი ამინდის გამო ცეცხლი სწრაფად ვრცელდება. მეხანძრეებს ხანძრის ლოკალიზებაში 7 ათასამდე მოხალისე ეხმარება.

ტარიხას ტყის პირას მდებარე სოფლებიდან 700 ოჯახის ევაკუაცია განხორციელდა. მთავრობამ და რამდენიმე არასამთავრობო ორგანიზაციამ დაზარალებულებს წყალი, საკები და პირადი ჰიგიენის ნივთები გაუგზავნეს.

ტარიხას პროვინციის გუბერნატორმა მოქალაქეებს მოუწოდა, მეხანძრეებს ცეცხლის ჩაქრობაში დაეხმარონ, რადგან რესურსი ხანძრის ლოკალიზებისთვის არასაკმარისია.