ესპანეთში ხანძარს ორი ადამიანის სიცოცხლე ემსხვერპლა.

Reuters-ის ცნობით, შემთხვევა ქვეყნის ჩრდილო-დასავლეთით, გალიციის რეგიონში მოხდა, სადაც ავტომობილით მოძრავი პირები, ტყის მასივებზე გავრცელებული ხანძრის ალყაში აღმოჩდნენ.

მომხდარს უკვე გამოეხმაურა პრემიერ-მინისტრი მარიანო რახოი და გარდაცვლილთა ოჯახის წევრებს მიუსამძიმრა.

მასშტაბური ხანძარი ამ დროისთვის 9 მუნიციპალიტეტისთვის საფრთხეს წარმოადგენს. უსაფრთხოების მიზნით დაწყებულია მოსახლეობის ევაკუაცია. სულ მეხანძრეებმა 146 ცეცხლის კერა დააფიქსირეს, თუმცა ამ დროისთვის აქტიური მხოლოდ 17-ია. ხანძრის სალიკვიდაციო სამუშაოებს ძლიერი ქარი ართულებს. რეგიონს ასევე უახლოვდება ქარიშხალი „ოფელია“, რის გამოც მეხანძრეები შიშობენ, რომ ცეცხლის მასშტაბი კიდევ უფრო გაიზრდება. ამ დროისთვის სტიქიამ 4 ათას ჰექტარამდე ფართობი გადაწვა. ხელისუფლება ცეცხლის გაჩენის მიზეზად ადამიანურ ფაქტორს ასახელებს.