უნდა დაუწყოს თუ არა გამოძიება ინტერნეტში გავრცელებულ აუდიოჩანაწერზე? მმართველი ძალა საკითხზე კომენტარს კვლავ არ აკეთებს.
უმრავლესობის წევრებისთვის ჩანაწერის ავთენტურობა სარწმუნო არ არის. პრეზიდენტის ადმინისტრაციაში პროვოკაციაზე საუბრობენ, გამოძიების შესახებ დასმულ შეკითხვას კი უპასუხოდ ტოვებენ.
განსხვავებულია ოპოზიციის შეფასება. ხელისუფლების ოპონენტები გამოძიების აუცილებლობაზე საუბრობენ და პოლიტიკურ შეფასებებსაც აკეთებენ.
შეგახსენებთ, საქმე უკრაინულ ინტერნეტ რესურსზე გავრცელებულ ჩანაწერს ეხება, რომელშიც ავტორების მტკიცებით, საქართველოს შინაგან საქმეთა მინისტრი მიხეილ სააკაშვილის ექსტრადირებაზე საუბრობს და აცხადებენ, რომ ექსპრეზიდენტის საქართველოში ჩამოყვანა ხელისუფლებას არ აწყობს.
ჩანაწერის მიხედვით გიორგი მღებრიშვილის უკრაინელი კოლეგას სახელით დაურეკეს.
გურამ როგავა განავრცობს თემას.