„ყაზბეგის“ საბაჟო-გამშვები პუნქტი დილის 06.00 საათიდან შეფერხების გარეშე მუშაობს. ამის შესახებ პირველ არხს შემოსავლების სამსახურის აპარატის უფროსმა, ხატია მოისწრაფიშვილმა განუცხადა.
როგორც მოისწრაფიშვილმა აღნიშნა, ყველა მანქანა, რომელიც წუხანდელი შეზღუდვის გამო ვერ მოძრაობდა, უკვე გატარებულია და საბჟოზე რიგები არ არის.
მისივე თქმით, რამე შეზღუდვა საბაჟო-გამშვებ პუნქტზე მოსალოდნელი არ არის.
საგანგებო ვითარებით გამოწვეული საჭიროებებიდან გამომდინარე, ტექნიკური სამუშაოების განხორციელების მიზნით, ღამის 12 საათიდან 15 აგვისტოს დილის 06.00 საათამდე, საბაჟო-გამშვებ პუნქტზე მუშაობა შეჩერებული იყო.
საგანგებო ვითარება კი, ამალი-დევდორაკის ხეობაში ღვარცოფულმა მოვლენებმა გამოიწვია.
ამასთან, გარეოს ეროვნული სააგნეტოს ინფორმაციით, გუშინდელი მოვლენების შემდეგ, დარიალის ხეობაში სპეციალური რეჟიმის შემოღება არ იგეგმება.