ფონიჭალაში, სპეცოპერაციის შედეგად ნარკოდანაშაულის ბრალდებით დაკავებული ფაილ ჰუსეინოვი ბრალს არ აღიარებს.

როგორც მან თბილისის საქალაქო სასამართლოში, აღკვეთის ღონისძიების სხდომაზე განაცხადა, სამართალდამცველებმა ნარკოტიკი ჩაუდეს და სხეულზე წაუსვეს, რომ ექსპერტიზაზე მისი დნმ-ი ამოსულიყო.

"მეძინა და კარები მე გავაღე. ლომკა მქონდა და ვკვდებოდი. წამალი არ მქონდა. შემოვარდნენ და ზურგში წამისვეს წამალი. მერე ჩამიდეს ჯიბეში და უჯრაში. წამალი რომ მქონოდა, ხომ გადავაგდებდი და კარს არ გავუღებდი. სახლში ვიყავი, არ გამოვდიოდი", - განაცხადა ფაილ ჰუსეინოვმა.

პროკურატურა მისთვის აღკვეთის ღონისძიებად პატიმრობის შეფარდებას ითხოვს. ადვოკატი კი - 10 ათასლარიანი გირაოთი გათავისუფლებას.