ბარსელონას ტერაქტთან დაკავშირებული ჯიჰადისტური ქსელი სრულად განეიტრალებულია, - ამის შესახებ ესპანეთის მთავრობაში განაცხადეს.

ქვეყნის შინაგან საქმეთა მინისტრის ინფორმაციით, აღნიშნული დასკვნის გაკეთება მოკლული და დაკავებული ადამიანების იდენტიფიცირების შემდეგ გახდა შესაძლებელი.

მიუხედავად ამისა, კატალონიის რეგიონულ მთავრობაში ამბობენ, რომ შესაძლოა, დაკავებები კიდევ განხორციელდეს. ამ დრომდე იძებნება ფურგონის მძღოლი, რომელიც ბარსელონას ცენტრში ფეხით მოსიარულეებს დაეჯახა.

ესპანეთის პოლიცია მაროკოში დაბადებული 22 წლის იუნის აბუიაქუბს ეძებს. ბარსელონაში განხორციელებული ტერაქტის შედეგად 14 ადამიანი დაიღუპა და 100-ზე მეტი დაშავდა.