სტიქიას 200-მდე მეხანძრე-მაშველი მოხალისეებთან და სატყეო სააგენტოს თანამშრომლებთან ერთად ებრძვის.

ადგილზე მობილიზებულია მძიმე ტექნიკაც, რომლის მიყვანა გვიან ღამით სოფელ დაბასთან გზის გაწმენდის შემდეგ გახდა შესაძლებელი. რთული რელიეფური პირობების გამო მეხანძრეები სტიქიის ზონამდე მისვლას რამდენიმე საათის განმავლობაში ვერ ახერხებდნენ.

გუშინ შუადღისას გაჩენილი ცეცხლი დაახლოებით 5 ჰექტარ ფართობზე გავრცელდა. ეს არის 2008 წლის ომის დროს ნახანძრალი ტერიტორია.

სახანძრო ბრიგადებთან ერთად ხანძრის კერების სალიკვიდაციო სამუშაოებში სასაზღვრო პოლიციის ვერტმფრენიცაა ჩართული, რომელიც მუშაობას გამთენიისას ისევ განაახლებს.