ქვეყანაში ერთდროულად სტიქიის სამი ზონაა. ვიწყებთ ხულოს რაიონით, სადაც ხანძრის ჩაქრობა მეორე დღეა, ვერ ხერხდება. ცეცხლის ოთხი კერიდან განსაკუთრებით რთული ვითარებაა შავნაბადას მთის ძირში. რთული რელიეფური პირობების გამო ადგილზე ცოცხალი ძალაც ვერ მიდის. ადგილობრივი მთავრობა ცენტრალურ ხელისუფლებას სამაშველო ოპერაციაში ავიაციის ჩართვას სთხოვს.
სტიქიის ეპიცენტრში 200-მდე მეხანძრე-მაშველი მუშაობს. ხანძრის სალიკვიდაციო სამუშაოებში ჩართულია ადგილობრივი მოსახლეობაც.
მაღალმთიან აჭარაში ქარია, შედეგად ცეცხლის გავრცელების არეალი იზრდება. სახანძრო ბრიგადები ხანძრის ლოკალიზებას თხრილების გავლებით ცდილობენ.
ხულოში მიმდინარე სამუშაოებს საგანგებო შტაბი უწევს კოორდინაციას.
მერაბ წულუკიძე ადევნებს თვალს სალიკვიდაციო სამუშაოებს.