სტიქიას 400-მდე მეხანძრე-მაშველი სპეციალური ტექნიკით ებრძვის. სამაშველო ოპერაციაში სასაზღვრო პოლიციის ორ და აზერბაიჯანის ერთ ვერტმფრენთან ერთად, თურქეთიდან ჩამოფრენილი ორი ვერტმფრენიც ჩაერთვება.
ყოველ წუთს თურქეთიდან სახანძრო თვითმფრინავსაც ელოდებიან, რემელიც უკვე საქართველოშია. ვერტმფრენი მოფრინავს ბელორუსიდანაც. ცეცხლის სალიკვიდაციო სამუშაოებში ერთვება სომხეთიც.
ხელისუფლება სოფელ დაბიდან და სტიქიის ზონასთან ახლოს მდებარე სხვა დასახლებებიდან ევაკუაციის საჭიროებას კვლავ ვერ ხედავს. თუმცა ხანძრის ახალი კერების და ძლიერი კვამლის გამო, ადგილობრივთა ნაწილი საცხოვრებელ სახლებს ტოვებს.
ცეცხლის ახალი კერები და მძიმე კადრები სტიქიური უბედურების ზონიდან: სალომე ქოქიაშვილი დეტალებით სოფელ დაბიდან, რომელსაც ხანძრის არეალთან უკვე რამდენიმე ათეული მეტრი აშორებს.