ხანძრის სალიკვიდაციო სამუშაოები გრძელდება ხულოში. საგანგებო შტაბში მუშაობა დილის 8-ის ნახევრიდან განახლდა.

დღის ბოლომდე იგეგმება ხანძრის კერების სრული ლიკვიდაცია. დილის 6 საათიდან ცოცხალი ძალა უკვე ჩაერთო ცეცხლის ქრობის პროცესში. სამუშაოებში ჩართულია 500-მდე მეხანძრე-მაშველი. დილიდან მუშაობს 2 ვერტმფრენი.

აჭარის საავტომობილო გზების დეპარტამენტის უფროს არჩილ ჩიქოვანის განცხადებით, 3-4 დღის განმავლობაში მეხანძრე-მაშველების მიერ მოხდება ხანძრის სრული პერიმეტრის დამუშავება.