მოლდოვა გაერო-ს გენერალური ასამბლეის 72-ე სესიის დღის წესრიგში დნესტრისპირეთიდან რუსული სამხედრო დანაყოფების გაყვანის საკითხის შეტანას სთხოვს.
შესაბამისი წერილით ორგანიზაციას გაერო-ში მოლდოვის მუდმივმა წარმომადგენელმა ვიქტორ მორარუმ მიმართა.
წერილში აღნიშნულია, რომ დნესტრისპირეთში რუსი სამხედროების ყოფნა „წარმოადგენს საფრთხეს საერთაშორისო მშვიდობისა და უსაფრთხოებისთვის“.
მორარუ გაერო-ს მოუწოდებს, მხარი დაუჭიროს მოლოდვის ძალისხმევას, რომელიც მიმართულია მისი ტერიტორიიდან უცხო ქვეყნის შეიარაღებული ძალების სრული და უპირობო გაყვანისკენ.
გაერო-ს გენერალური ასამბლეის 72-ე სესია 12 სექტემბერს გაიხსნება.
2017 წლის 2 მაისს მოლდოვის საკონსტიტუციო სასამართლომ დნესტრისპირეთის რეგიონის ტერიტორიაზე რუსი სამხედროების ყოფნა არაკონსტიტუციურად ცნო. 30 ივლისს კი მოლდოვის მთავრობამ გამოაქვეყნა განცხადება, რომელშიც მოსკოვი რეგიონში კონფლიქტის დარეგულირებასთან დაკავშირებული ორმხრივი და საერთაშორისო შეთანხმებების შეუსრულებლობაში დაადანაშაულა.