მოლდოვის პარლამენტში დნესტრისპირეთიდან რუსული სამხედრო კონტინგენტის გასვლის შესახებ კანონპროექტი შეიმუშავეს. ინფორმაციას მოლდოვური მედია TSN.md ავრცელებს. კანონპროექტს 101 დეპუტატიდან 62-მა დაუჭირა მხარი. პარლამენტის სპიკერმა ანდრიან კანდუმ განაცხადა, რომ კანონი ძალაში დამტკიცებისთანავე შევა. დოკუმენტი სამი ფრაქციის - ლიბერალ-დემოკრატიული, დემოკრატიული და ეროვნულ-ევროპული პარტიების მიერ იყო ინიცირებული. მოლდოვის დამოკრატიულ პარტიაში აცხადებენ, რომ ეს პოლიტიკური გადაწყვეტილებაა, რომელიც სუვერენიტეტის აღდგენას ემსახურება. კანონპროექტის განხილვას ოპოზიციურმა სოციალისტურმა პარტიამ ბოიკოტი გამოუცხადა. პრეზიდენტმა იგორ დოდონმა, რომელიც სოციალისტური პარტიის ლიდერია, განაცხადა, რომ აღნიშნული კანონპროექტი პროვოკაციულია და დნესტრისპირეთში ვითარების დესტაბილიზაციას ემსახურება.