„თანასწორობის მოძრაობის“ წევრები სამასი ლარით დააჯარიმეს. მოსამართლემ ლევან ბერიანიძე და თორნიკე კუსიანი დამნაშავედ ცნო და ადმინისტრაციული სამართალდარღვევის გამო ჯარიმა დააკისრა.

ბერიანიძე და კუსიანი თავს დაზარალებულად მიიჩნევენ და აცხადებენ, რომ მათ სიტყვიერი და ფიზიკური შეურაცხყოფა თავად პოლიციის თანამშრომლებმა მიაყენეს.

დღევანდელ სასამართლო პროცესზე პოლიციელებთან ერთად ორი ტრანსგენდერიც დაკითხეს. პროცესის პარალელურად, სასამართლოსთან საპროტესტო აქციაც გაიმართა.