კალიფორნიის შტატის ქალაქ ბერკლიში ულტრამემარჯვენე და მემარცხენე აქტივისტებს შორის შეტაკების დროს პოლიციამ 10 ადამიანი დააკავა.

სააგენტო Reuters-ის ინფორმაციით, ბერკლიში „სიძულვილის წინააღმდეგ აქციაზე“ ათასობით ადამიანი შეიკრიბა. ისინი ქალაქში ულტრანაციონალისტური მოძრაობების მიერ დაგეგმილ დემონსტრაციებს აპროტესტებდნენ.
გამოსვლები მალევე არეულობაში გადაიზარდა. ქალაქში დაწყებული რამდენიმე აქციის მონაწილეები ერთმანეთს დაუპირისპირდნენ. ადგილობრივი მედიის ინფორმაციით, პოლიციამ დემონსტრანტების დასაშლელად ცრემლსადენი გაზი გამოიყენა. დაკავებულთა შორის ულტრამემარჯვენე ორგანიზაციის Patriot Prayer-ის ლიდერი ჯოი გიბსონიცაა.