შვედეთის ქალაქ გეტებორგში ნეონაცისტებთან შეტაკების დროს ათობით ადამიანი დააკავეს. ნეონაცისტური „ჩრდილოეთის წინააღმდეგობის მოძრაობის“ წევრები, რომლებიც მსვლელობის მოწყობას გეგმავდნენ, ანტიფაშისტური აქციის მონაწილეებს დაუპირისპირდნენ.
შეტაკებებში ჩაერთო პოლიციაც. შვედური პრესის ცნობით, სამართალდამცველებმა ათობით ადამიანი დააპატიმრეს, მათ შორის ნეონაცისტური დაჯგუფების ლიდერიც.
ზოგიერთი მედიასაშუალება ამტკიცებს, რომ გეტებორგში დაპირისპირება ანტიფაშისტების პროვოკაციულმა ქმედებებმა გამოიწვია. ისინი ნეონაცისტებს ქვებს ესროდნენ.
შვედური დაჯგუფება „ჩრდილოეთის წინააღმდეგობის მოძრაობა“ გლობალური მიგრაციის წინააღმდეგ გამოდის და როგორც თავად ჯგუფის წევრები ამბობენ, ისინი „გლობალურ სიონისტურ ელიტას“ ებრძვიან.
წყარო: BBC