დონალდ ტრამპი ქარიშხალ „ჰარვისგან“ დაზარალებულ ჰიუსტონში კიდევ ერთხელ ჩავიდა.
აშშ-ის პრეზიდენტი ადგილობრივებს შეხვდა და დახმარებას პირადად დაჰპირდა. მასთან ერთად ჰიუსტონში იმყოფებოდა პირველი ლედი. მათ ერთად მოინახულეს ეკლესია, რომლესაც ამჟამად სახლ-კარის გარეშე დარჩენილი მოქალაქეები აფარებენ თავს.
ვიზიტის დროს, ტრამპმა დადებითად შეაფასა ადგილობრივი ხელისუფლების მიერ შესრულებული სამუშაო. მისივე თქმით, შტატის მთავრობასა და ფედერალურ ხელისუფლებას შორის კოორდინაციამ უამრავი ადამიანის სიცოცხლე გადაარჩინა.
ტრამპის თქმით, მან უკვე გასცა განკარგულება, რომ დაზარალებულა რეგიონებს დამატებით ფინანსური დახმარება გამოუყონ.
ჰიუსტონის მერის შეფასებით, „ჰარვის“ შედეგების აღმოსაფხვრელად 100 მილიონი დოლარი იქნება საჭირო.