მმართველი გუნდი საკონსტიტუციო პროექტის მიღებას თვის ბოლოსთვის აანონსებს.
მესამე მოსმენის თარიღი პოლიტიკურ სპექტრში მორიგი დაპირისპირების მიზეზი ხდება. ოპოზიცია ხელისუფლებას დიალოგის გაგრძელებას სთავაზობს და მოუწოდებს, რომ სადავო დოკუმენტი დაჩქარებული წესით არ დაამტკიცოს.
საპარლამენტო უმრავლესობას მიმართავს ვენეციის კომისიაც. კომისიის მდივანი კონსენსუსის აუცილებლობას კიდევ ერთხელ უსვამს ხაზს და ქართულ ოცნებას სთხოვს, ქვეყნის მთავარ კანონში შესატან ცვლილებებს ვენეციის კომისიის საბოლოო დასკვნის გაცნობის შემდეგ უყაროს კენჭი. ეს დასკვნა კი ოქტომბრის დასაწყისში უნდა გამოქვეყნდეს. თუმცა, მოახლოებული არჩევნების გამო, მმართველი პარტია მესამე მოსმენის თარიღის შეცვლას არ აპირებს, დიალოგის ჩაშლაში კი კვლავ ოპონენტებს ადანაშაულებს.
შორენა ხვიჩიამ მოისმინა მხარეთა პოზიციები.