დაპირისპირების ფონზე ჩაიარა სერგო თეთრაძის საქმის სასამართლო განხილვამ.
მოსამართლეს ჩვენებები სამხედრო პოლიციის იმ ყოფილმა თანამშრომლებმა მისცეს, რომლებიც რეზონანსულ საქმეზე ჯერ კიდევ წინა ხელისუფლების დროს ჩატარებულ საგამოძიებო მოქმედებებში იყვნენ ჩართულები.
პროკურატურის განმარტებით, მითითებულ პირებს ძიების წარმართვის უფლება არ ჰქონდათ, რადგან 2011 წლის სექტემბერში ისინი უწყებიდან ოფიციალურად დათხოვნილები იყვნენ. ეს ინფორმაცია თავად მოწმეებმაც დაადასტურეს, რასაც საქმეში ბრალდებულ ბაჩო ახალაიას ადვოკატის მწვავე განცხადებები მოჰყვა.
ექვსი წლის წინ დაწყებული ძიება, რომლის კანონიერების დადგენა დღევანდელი პროცესის მთავარი თემა იყო, სამ თვეშივე დანაშაულის არარსებობის მოტივით შეწყდა და მხოლოდ 2012 წლიდან განახლდა.