ლონდონის მეტროში განხორციელებულ ტერაქტში ეჭვმიტანილი დაკავებულია. განცხადება რამდენიმე წუთის წინ მეტროპოლიტენის პოლიციის პრესსპიკერმა გაავრცელა.

18 წლის მამაკაცი ინგლისის სამხრეთ-აღმოსავლეთით, დოვერში დააკავეს. მისი სახელი და გვარი ჯერჯერობით არ გასაჯაროვებულა.

ამ დროისათვის მთელი ქვეყნის მასშტაბით საფრთხის დონის მაჩვენებელი კრიტიკულ ნიშნულამდეა გაზრდილი.

ადგილობრივი დროით 13 საათზე გაერთიანებული სამეფოს უსაფრთხოების კომიტეტში საგანგებო სხდომა გაიმართება.

ეჭვმიტანილის დაკავების სპეცოპერაციის ფარგლებში, პოლიციამ 70-მდე ვიდეოკადრი შეისწავლა და 45-მდე მოწმე დაკითხა.

მეტროში განხორციელებული ტერორისტული აქტის შედეგად, 27 ადამიანი დაშავდა, რამდენიმე მათგანის მდგომარეობა კრიტიკულია. მომხდარზე პასუხისმგებლობა ე.წ. ისლამურმა სახელმწიფომ აიღო.