ღია მმართველობის პარტნიორობის ინიციატივას, რომელიც 75 ქვეყანას აერთიანებს, საქართველო უხელმძღვანელებს.
ეს პირველი შემთხვევაა, როდესაც საქართველო იქნება მაღალი რანგის საერთაშორისო ფორუმის თავმჯდომარე ქვეყანა.
თავმჯდომარეობას, ჩვენი ქვეყნის მთავრობა, 19 სექტემბერს გაერთიანებული ერების ორგანიზაციის გენერალური ასამბლეის ფარგლებში გამართულ მაღალი დონის ღონისძიებაზე საფრანგეთის მთავრობისგან გადმოიბარებს და საერთაშორისო პარტნიორობას ერთი წლის ვადით უხელმძღვანელებს.
საქართველოს პრემიერ-მინისტრ გიორგი კვირიკაშვილს ღია მმართველობის პარტნიორობის თავმჯდომარეობას უშუალოდ საფრანგეთის პრეზიდენტი ემანუელ მაკრონი გადააბარებს.
ღონისძიებაში მონაწილეობს იუსტიციის მინისტრი თეა წულუკიანი მიიღებს. საქართველო ღია მმართველობის პარტნიორობის რიგით მე-6 თავმჯდომარეა.