ღია მმართველობის სფეროში მოქმედი საზოგადოებრივი ორგანიზაციები მერობის კანდიდატებს ღია მმართველობის პარტნიორობის დეკლარაციაზე ხელმოწერის წინადადებით მიმართავენ.
კანდიდატებს შეტყობინება დღეს გადაეგზავნებათ. დეკლარაციის ხელმოწერით კანდიდატები იღებენ ვალდებულებას, გამარჯვების შემთხვევაში ბოლომდე აღასრულონ ღია მმართველობის პროგრამით გათვალისწინებული სამოქმედო გეგმა და უზრუნველყონ მმართველობის ღიაობა და გადაწყვეტილებების მიღების პროცესში მოსახლეობის მონაწილეობა.
ღია მმართველობის პარტნიორობა ამერიკის შეერთებული შტატების და ბრაზილიის პრეზიდენტების ინიციატივით შეიქმნა.
საქართველო ამ ინიციატივას 2011 წელს შეერთებული შტატების ოფიციალური მიწვევით შეუერთდა და ამ ხნის განმავლობაში, პროგრამის ფარგლებში უკვე რამდენიმე სამოქმედო გეგმა შეიმუშავა.