"ღია მმართველობის პარტნიორობის" გლობალური სამიტის ფარგლებში საქართველოს იუსტიციის მინისტრმა საზოგადოებრივი ცენტრების შესახებ ისაუბრა.
იუსტიციის მინისტრმა მრგვალი მაგიდის მონაწილეებს გამოცდილება გაუზიარა საჯარო სერვისების მიწოდების ინოვაციური მეთოდების კუთხით. გაიმართა მსჯელობა იუსტიციის სახლებისა და საზოგადოებრივი ცენტრების კონცეფციის შესახებ.
თეა წულუკიანმა სხვადასხვა ქვეყნის წარმომადგენლებს ამომწურავი ინფორმაცია მიაწოდა იმ საკითხზე, თუ როგორ ხდება საქართველოში ეროვნულ დონეზე „ღია მმართველობის პარტნიორობის“ მხარდაჭერა.
საქართველოში შექმნილია საკოორდინაციო მექანიზმი, ღია მმართველობის ფორუმი, რომელიც პარტნიორობის წევრი ქვეყნებისათვის სამაგალითო მოდელადაა აღიარებული.
ფორუმის ფარგლებში აღმასრულებელი, საკანონმდებლო და სასამართლო ხელისუფლების, ადგილობრივი თვითმმართველი ორგანოების წევრები, არასამთავრობო ორგანიზაციებისა და საერთაშორისო მისების წარმომადგენლები არიან გაერთიანებული.