თბილისში მეცნიერებისა და ინოვაციების საერთაშორისო ფესტივალი გაიხსნა.
როგორც საქართველოს განათლებისა და მეცნიერების მინისტრმა, ალექსანდრე ჯეჯელავამ განაცხადა, მეცნიერება ქვეყნის განვითარებისთვის უმნიშვნელოვანესია.
"იმედი მაქვს, რომ მსგავსი ღონისძიებები დაეხმარება სფეროს განვითარებას. ბავშვები მაქსიმალურად უნა დავაინტერესოთ მეცნიერებით. მეცნიერების როგორც კარიერის პოპულარიზაციაა ჩვენი მიზანი. ჩვენ ვცდილობთ დავარწმუნოთ ბავშვები, რომ ამ სფეროში დიდი პერსპექტივაა. მომავალში ჩვენი ბიზნესის ეკონომიკის განვითარება პირდაპირ კავშირშია მეცნიერების განვითარებასთან", - განაცხადა ჯეჯელავამ.
ღონისძიება უკვე მესამედ იმართება, მასში საქართველოს ხუთი ქალაქია ჩართული. ფესტივალი ორი კვირა გაგრძელდება. მისი მიზანია ხელი შეუწყოს ახალგაზრდებში მეცნიერების პოპულარიზაციას, სფეროთი მოსწავლეთა დაინტერესებას. პროექის ფარგლებში 150 ღონისძიება გაიმართება