ირაკლი კობახიძის ბრალდება გიორგი მარგველაშვილს. პარლამენტის თავმჯდომარე პრეზიდენტს საკანონმდებლო ორგანოს უპატივცემულობაში ადანაშაულებს. საკითხი საკონსტიტუციო ცვლილებების პროექტის მესამე მოსმენისთვის რიგგარეშე სხდომის მოწვევას ეხება.

სახელმწიფოს მეთაურის უარის მიუხედავად, უმრავლესობის დეპუტატები ქუთაისში ხვალ მაინც შეიკრიბებიან და ქვეყნის უზენაეს კანონში დაგეგმილ ცვლილებებს კენჭს მესამე მოსმენით უყრიან.

113 დეპუტატის დადებითი პოზიციის შემთხვევაში, მე-9 მოწვევის პარლამენტი საკონსტიტუციო ცვლილებებს დაამტკიცებს. სხდომა 14 საათზე დაინიშნა. დეპუტატები ამ წუთებში ბიუროს სხდომას მართავენ.