ადილობრივი თვითმმართველობის ფარგლებში დაფუძნებულ ორგანიზაციებს შორის ყველაზე მეტი თანამშრომელი 2012 წლიდან 2017 წლამდე, რუსთავის მერიაში დაფუძნებულ აიპი-ში, უზრუნველყოფა-შია დასაქმებული.

ამის შესახებ განცხადება, “საერთაშორისო გამჭვირვალობა საქართველოს” მთავარმა ანალიტიკოსმა, გიორგი ნასრაშვილმა განაცხადა.

მისი თქმით, ამ კუთხით გამორჩეულია ქუთაისის მერიაც, რომელმაც დააფუძნა აიპი “სპეციალური სერვისები” , სადაც 2015 წლის შემდეგ 70-ით არის გაზრდილი თანამშრომელთა რაოდენობა.

გიორგი ნასრაშვილი თბილისის არქიტექტურის სამსახურზეც აკეთებს აქცენტებს.

მისი თქმით, ამ უწყებაშიც არის ზრდის ტენდენცია, სადაც, 2012 წელს იყო 112 თანამშრომელი და 2017 წლის მონაცემებით 147 გახდა.

გიორგი ნასრაშვილის განცხადებით, მიუხედავად იმისა, რომ კანონით არ არის განსაზღვრული და შეზღუდული სსიპ-ებისა დ ა(ა)იპ-ების დაფუძნება ან იქ თანამშრომელთა დასაქმება, საყურადღებოა ეს ციფრები რადგან, რაოდენობის ზრდასთან ერთან იზრდება ხარჯები.

ორგანიზაცია რამდენიმე რეკომენდაციას გასცემს, რომელთა მიხედვით, სასურველია, რომ სსიპ-ებსა და აიპებში თანამშრომელთა აყვანა იყოს გამჭვირვალე.

"ასევე მკაცრად უნდა განისაზღვროს სსიპ-ების და ააიპების, შექმნის კრიტერიუმები. ასევე მათი მოსაზრებით, უნდა გადაიჭრას, ხელშეკრულებით დასაქმებულ პირთა მაღალი რაოდენობა, უზრუნველყოფილი იყოს ფინანსების ხარჯვის კონტროლი", - აღნიშნულია რეკომენდაციებში.

კვლევა ჩატარებულია 78 სსიპ-ისა და ააიპის მიერ მიწოდებული მონაცემების მიხედვით, ორგანიზაციაში აცხადებენ, რომ რამდენიმე უწყებამ არ ითანამშრომლა და არ მიაწოდა ინფორმაცია კვლევის ავტორებს. ამ ორგანიზაციებს შორის საერთაშორისო გამჭირვალობა საქართველო, შსს-სა და იუსტიციის სამინისტროს ასახელებს.