ძალოსნობის საერთაშორისო ფედერაციამ, რუსეთის ძალოსნობის ფედერაცია ერთი წლით თავისი რიგებიდან გარიცხა, რაც იმას ნიშნავს, რომ რუსეთის ნაკრები მსოფლიოს 2017 წლის ჩემპიონატში მონაწილეობას ვერ მიიღებს.

აღმასრულებელმა კომიტეტმა ერთხმად გადაწყვიტა, რომ ეროვნული ფედერაციები, რომლებსაც 2008 და 2012 წლების ოლიმპიადების დოპინგ-სინჯების გადამოწმებისას, ანტისადოპინგო წესების მინიმუმ სამი დარღვევა დაუფიქსირდათ, ერთწლიან დისკვალიფიკაციას მიიღებენ, - ვკითხულობთ საერთაშორისო ფედერაციის განცხადებაში.

რუსეთის ბედი გაიზიარეს ყაზახეთის, ჩინეთის, ბელარუსის, აზერბაიჯანის, სომხეთის, თურქეთის, უკრაინისა და მოლდოვას ფედერაციებმაც.

მსოფლიოს 2017 წლის ჩემპიონატი 28 ნოემბრიდან 5 დეკემბრამდე შეერთებულ შტატებში ჩატარდება.