გასულ 27 სექტემბერს სოხუმის დაცემიდან 24 წელი შესრულდა. აფხაზეთის ომის კადრები ყველასთვის ძალიან ნაცნობია.

საქართველოს უახლესი ისტორიის ერთ-ერთ ყველაზე ტრაგიკულ პერიოდზეც ბევრია ცნობილი. თუმცა, ქეთევან ბერაია ამ ომის უსახელო გმირებზე მოგვითხრობს. მაშინ საქართველოში მხოლოდ რამდენიმე ავიაკომპანია არსებობდა, მათ შორის იყო ორბი - პირველი სამოქალაქო ქართული კერძო კომპანია, რომელმაც 13 თვისა და 13 დღის განმავლობაში 2600-ზე მეტი რეისი შეასრულა და ომში საკუთარი ნებით წავიდა. არც მაშინ და არც მერე ამ პილოტებს საკუთარ გმირობაზე არ უსაუბრიათ. სწორედ ორბის კუთვნილი თვითმფრინავი ჩამოაგდეს ბაბუშერას აეროპორტში. დღეს პილოტების მხოლოდ ნაწილია ცოცხალი, თუმცა 24 წლის მერეც საკუთარ საქმეებზე საუბრისგან ისინი თავს იკავებენ.