მადრიდი მიმართავს ყველა კანონიერ ზომას, რათა კატალონიის დამოუკიდებელ სახელმწიფოდ გამოცხადებას წინ აღუდგეს. ამის შესახებ განცხადება ესპანეთის იუსტიციის მინისტრმა რაფაელ კატალამ გააკეთა. მისი თქმით, არავინ გამორიცხავს, რომ ესპანეთის მთავრობამ დროებით გააუქმოს კატალონიას ავტონომია.
„თუ ვინმე გეგმავს ესპანეთის კუთვნილი ტერიტორიის დამოუკიდბელ სახელმწიფოდ გამოცხადებას, ეს შეუძლებელია, რადგან მათ ამის შესაძლებლობა კანონით არ აქვთ. მაშინ ჩვენ კანონის ფარგლებში ყველაფერი უნდა გავაკეთოთ, რომ ამას ხელი შევუშალოთ“, - განაცხადა ესპანეთის იუსტიციის მინისტრმა ესპანურ ტელევიზიასთან საუბრის დროს.
პარალელურად, კატალონიაში ადგილობრივი მთავრობა საგანგებო თათბირზე შეიკრიბა. სხდომას ესწრება ავტონომიის მეთაური კარლეს პიოჩდემონი.
მისი თქმით, სწორედ ამ სხდომაზე უნდა გადაწყდეს, რას მოიმოქმედებს კატალონიის ხელისუფლება ე.წ. რეფერენდუმის შემდეგ.
შეგახსენებთ, რომ კატალონიაში ე.წ. რეფერენდუმი გუშინ გაიმართა. კატალონიის ხელისუფლება ამტკიცებს, რომ გამოკითხვაში მონაწილეობა მილიონმა ადამიანმა მიიღო და უმრავლესობამ ხმა ესპანეთიდან გამოყოფას მისცა.
მადრიდში აცხადებენ, რომ კატალონიაში თვითგამორკვევის შესახებ რეფერენდუმი არ ჩატარებული და შესაბამისად გამოკითხვის შედეგებიც უკანონოა. ამასთან, ესპანეთის პრემიერმა მზადყოფნა გამოთქვა კატალონიელებთან დიალოგი წამოიწყოს.