მმართველი გუნდი პრეზიდენტის პასუხს ელოდება. რამდენიმეთვიანი პოლიტიკური ურთიერთბრალდებების შემდეგ, მხარეები დღეს მოლაპარაკებათა მაგიდასთან დასხდნენ.
საპარლამენტო უმრავლესობის ლიდერები ავლაბრის სასახლეში მივიდნენ და პირადად სცადეს გიორგი მარგველაშვილის დარწმუნება, რომ შექმნილ ვითარებაში საუკეთესო გზა საკონსტიტუციო ცვლილებების რეფორმაზე ვეტოს დადებაა, თუმცა მხოლოდ ქართული ოცნების მიერ შეთავაზებულ ორ საკითხზე.
პრეზიდენტს მოსაფიქრებლად ვადა 10 ოქტომბრამდე აქვს. არჩევანი მმართველი პარტიის და ოპოზიციის წინადადებებს შორისაა გასაკეთებელი.
ვეტოს ოპოზიციური პარტიებიც ეთანხმებიან, მაგრამ მოტივირებულ შენიშვნებში სხვა სადავო თემების ასახვასაც ითხოვენ. დიდი ალბათობით, კონსულტაციები ისევ გაგრძელდება.
შორენა ხვიჩია თემის დეტალებით.