საზოგადოებრივი მაუწყებელი კანონით განსაზღვრული ვალდებულებების გარდა, უპრეცედენტო წინასაარჩევნო ფორმატით მაუწყებლობს, რომლის ფარგლებშიც თვითმმართველი ქალაქების უმეტესობაში, ცხრა რეგიონში უკვე გაიმართა მერობის კანდიდატებს შორის დებატები.

მიმდინარე კვირის ბოლოს კიდევ სამი გადაცემა გავა ეთერში, მომავალ კვირას დაგეგმილია დედაქალაქში თემატური, საარჩევნო სიის პირველ ნომრებსა და თბილისის მერობის კანდიდატებს შორის დებატები,- ასე პასუხობს პირველი არხი არასაპარლამენტო ოპოზიციის კრიტიკას, რომ მათ წინასაარჩევნოდ სატელევიზიო ეთერით, მათ შორის, პირველ არხზე, საკუთარი პოზიციის წარმოჩენის საშუალება არ ეძლევათ.