საფრანგეთში მასობრივი გაფიცვის გამო, დაგეგმილი ავიარეისების 30 პროცენტი გაუქმდა. ამის შესახებ ინფორმაციას ტელეკომპანია BFM-ი ავრცელებს.

შეზღუდვები შეეხება Air France-ის, Easyjet-ისა და Ryanir-ის ფრენებს. გაუქმდა რეისები ბორდოს, ლიონის, პარიზის, ნიცის, მარსელის და ტულუზის აეროპორტებიდან.

როგორც ავიაკომპანიაში განმარტეს, ძირითადად საქმე ეხება ახლო მანძილზე დაგეგმილ ფრენებს.

მასობრივი გაფიცვის გამო, შეფერხებებით მუშაობენ საავადმყოფოები, საგანმანათლებლო დაწესებულებები და სამართალდამცავი სტრუქტურებიც. პროფკავშირების ცნობით, საფრანგეთის მასშტაბით 150 მანიფესტაცია გაიმართება.

როგორც ვარაუდობენ აქციაში, რომელის საფრანგეთის მთავრობის მიერ შრომის კოდექსში დაგეგმილი ცვლილებების წინააღმდეგ არის მიმართული, მილიონობით ადამიანი მიიღებს მონაწილეობას.

გაფიცულები სახელმწიფო სექტორში სამუშაო ადგილების შემცირებას აპროტესტებენ.