მადრიდმა ბარსელონას ულტიმატუმი წაუყენა. ესპანეთის ხელისუფლება კატალონიის მთავრობას დამოუკიდებლობის დეკლარაციის ხელმოწერასთან დაკავშირებით განმარტებებს სთხოვს, წინააღმდეგ შემთხვევაში კანონით განსაზღვრული ზომების მიღებით ემუქრება.
ესპანეთის მთავრობის მეთაური მარიანო რახოი მოუწოდებს კატალონიის ადგილობრივ ხელიუფლებას, მკაფიოდ განმარტოს, გამოაცხადა თუ არა ავტონომური რეგიონის დამოუკიდებლობა.
შეგახსენებთ, რომ კატალონიის პარლამენტმა გუშინ მიიღო დამოუკიდებლობის გამოცხადების შესახებ დეკლარაცია. დოკუმენტში ასევე ნათქვამია, რომ „კატალონიის რესპუბლიკა გამოცხადდა სუვერენულ სახელმწიფოდ“. დეკლარაციას ხელი კატალონიის მეთაურმა კარელს პუიჩდემონმაც მოაწერა. ამასთან მან ჟურნლისტებთან განმარტა, რომ ეს „სიმბოლური“ ნაბიჯი იყო და „დამოუკიდებლობის გამოცხადების განზრახვას“ წარმოადგენს.
ესპანეთის ხელიუფლება აცხადებს, რომ თუ კატალონიის მთავრობა ცალმხრივად გამოაცხადებს დამოუკიდებლობას, მაშინ მადრიდი კატალონიის ავტონომიას დროებით გააუქმებს.