კატალონიის ავტონომიური მთავრობის მიერ ცალმხრივი დამოუკიდებლობის გამოცხადების მუქარის საპასუხოდ ესპანეთის ხელისუფლება კონსტიტუციის 155-ე მუხლს აამოქმედებს.
155-ე მუხლი ავტონომიის გაუქმებას გულისხმობს, რომელიც აქამდე ესპანეთის უახლეს ისტორიაში არ ამოქმედებულა.
21 ოქტომბერს ესპანეთის მთავრობა საგანგებო სხდომას გამართავს, სადაც მთავრობის წევრები ავტონომიის გაუქმების თაობაზე იმსჯელებენ. აღნიშნული კანონი ესპანეთის პარლამენტმა უნდა მიიღოს. მანამდე კი პრემიერ-მინისტრმა სენატს ინიციატივით უნდა მიმართოს.
„ესპანეთის მთავრობა განიხილავს 155-ე მუხლის ამოქმედებას იმ მიზნით, რომ კატალონიის თვითგამოცხადებული დამოუკიდებლობა, რაც ესპანეთის კონსტიტუციას და სუვერენიტეტს ლახავს, შეაჩეროს“, - წერია მთავრობის განცხადებაში.
155-ე მუხლის ძალაში შესვლა პირველ ოქტომბრის ე.წ. რეფერენდუმის შემდეგ დადგა დღის წესრიგში, მას შემდეგ რაც კატალონიის რეგიონულმა მთავრობამ უნილატერალური დამოუკიდებლობის დეკლარაციის მიღება და ცალმხრივი დამოუკიდებლობის გამოცხადება დააანონსა.
წყარო: El Pais