ოქტომბერი 15, 2017
171
ავსტრიაში რიგგარეშე საპარლამენტო არჩევნები გრძელდება.
საკუთარი არჩევენი უკვე დააფიქსირეს მთავარმა კონკურენტებმა. ავსტრიის საგარეო საქმეთა მინისტრმა და კონსერვატორების ლიდერმა სებასტიან კურცმა ხმა ვენის ერთ-ერთ უბანზე მისცა. არჩევნებში მონაწილეობა მიიღო ავსტრიის მოქმედმა პრემიერ-მინისტრმაც.
შეგახსენებთ, რომ ავსტრიაში რიგგარეშე არჩევნები კონსერვატორი და სოციალ-დემოკრატიული პარტიის კოალიციურ მთავრობაში განხეთქილების გამო დაინიშნა.
სოციოლოგიური კვლევები აჩვენებს, რომ სავარაუდოდ, ავსტრიის ახალ მთავრობაში ულტრამემარჯვენეები მოხვდებიან. პარტია „თავისუფლებას“ მეორე ადგილს უწინასწარმეტყველებენ.
ეგზიტპოლების შედეგები დღეს საღამოს გახდება ცნობილი.
მაჩვენე მეტი