ოქტომბერი 17, 2017
148
დასავლეთ საქართველოს რეგიონებში ზარალის დამთვლელი კომისიები იწყებენ მუშაობას.
იმერეთში, გურიაში, სამეგრელოსა და აჭარაში გადაუღებელმა წვიმამ მძიმე კვალი დატოვა. რამდენიმე რაიონში მეწყრული პროცესებიც გააქტიურდა. დაზიანებულია გზები, ნაწილობრივ დატბორილია შენობები და საცხოვრებელი სახლები, განადგურებულია სასოფლო-სამეურნეო სავარგულების ნაწილი.
განსაკუთრებით რთული ვითარება იყო ქუთაისში, სადაც სტიქიამ რამდენიმე სახელმწიფო უწყების მუშაობაც შეაფერხა.
ადიდებულმა და კალაპოტიდან გადმოსულმა მდინარე ოღასკურამ ქალაქში სატრანსპორტო მოძრაობის პარალიზება გამოიწვია.
პრობლემები შეიქმნა რეგიონების ენერგომომარაგებაშიც, რომელიც სრულად ამ დრომდე არ არის მოგვარებული.
მაჩვენე მეტი