იმ შემთხვევაში თუ კატალონიის რეგიონული მთავრობის ლიდერი დამოუკიდებლობას გამოაცხადებს, ესპანეთის მთავრობა კატალონიის ავტონომიას დროებით გააუქმებს, - ეს განცხადება ქვეყნის ვიცე-პრემიერმა, კარლეს პუიჩდემონისთვის მიცემული ვადის ამოწურვამდე ერთი დღით ადრე გააკეთა.

კატალონიის რეგიონული მთავრობის ლიდერს ესპანეთის მთავრობამ გადაწყვეტილების მიღებისთვის დრო 19 ოქტომბრამდე მისცა.

ხვალ, დილის 10 საათზე, კარლეს პუიჩდემონმა უნდა განმარტოს, გამოაცხადა თუ არა კატალონიის დამოუკიდებლობა. იმ შემთხვევაში თუ მისი პასუხი დადებითი იქნება, ესპანეთის მთავრობა კონსტიტუციის 155 - ე მუხლს აამოქმედებს, რაც კატალონიისთვის ავტონომიის დროებით გაუქმებას გულისხმობს.

რეგიონი ესპანეთის მთავრობის მმართველობის ქვეშ გადავა.