წინასაარჩევნო გარემო არის ძალიან კარგი,- ამის შესახებ საქართველოში ამერიკის შეერთებული შტატების ელჩმა იან კელიმ განაცხადა.
ელჩი მიესალმება საქართველოს პრემიერ-მინისტრის განცხადებას, რომ 2017 წლის თვითმმართველობის არჩევნები თავისუფალ და სამართლიან გარემოში ჩატარდეს.
„წინასაარჩევნო გარემო არის ძალიან კარგი და ჩვენ ამის გამო მოხარულები ვართ. როგორც ვიცი, ამ დრომდე არანაირი პრობლემა არ შექმნილა. მოგეხსენებათ, ჩვენ გვაქვს ძალიან ახლო თანამშრომლობა და კავშირი საერთაშორისო დამკვირვებლებთან, როგორებიც არიან ეუთო, NDI, IRI. მივესალმებით პრემიერ-მინისტრის მოწოდებას, რომ ეს იყოს თავისუფალი და სამართლიანი არჩევნები და ეჭვის საფუძველიც არ არსებობს, რომ ასეც იქნება",- განაცხადა იან კელიმ.
საქართველოში თვითმმართველობის არჩევნები 21 ოქტომბერს გაიმართება.