კატალონიის ლიდერმა კარლეს პუიჩდემონმა რეგიონულ პარლამენტში გამოსვლა გააუქმა. ინფორმაციას ამის შესახებ სააგენტო Reuters-ი ავრცელებს. მანამდე ესპანურ მედიაში გავრცელდა ცნობა, რომ კარლეს პუიჩდემონი კატალონიაში 20 დეკემებერს ვადამდელი არჩევნების დანიშვნას გეგმავს.

გუშინ საღამოს კატალონიის ადგილობრივი მთავრობის საგანგებო სხდომა გაიმართა, რომელიც შვიდ საათს გრძელდებოდა.

ხვალ კი მადრიდში სენატორები შეიკრიბებიან და კატალონიის ავტონომიის დროებით გაუქმების მიზნით, კონსტიტუციის 155-ე მუხლის ამოქმედების შესახებ იმსჯელებენ.

კატალონიაში ვითარება პირველ ოქტომბერს ჩატარებული ე.წ. რეფერენდუმის შემდეგ დაიძაბა. ადგილობრივმა მთავრობამ 10 ოქტომბერს მიიღო ე.წ. კატალონიის დამოუკიდებლობის დეკლარაცია, რომელიც ძალაში მას შემდეგ უნდა შევიდეს, რაც მადრიდსა და ბარსელონას შორის დიალოგის რესურსი ამოიწურება. ესპანეთის მთავრობა ე.წ. რეფერენდუმის შედეგებს არ აღიარებს.