კატალონიის რეგიონული მთავრობის ყოფილი ლიდერი კარლეს პუიჩდემონი აცხადებს, რომ ბელგიაში თავშესაფრის მისაღებად არ ჩასულა.განცხადება მან ბრიუსელში გამართულ პრესკონფერენციაზე გააკეტა.
პუიჩდემონმა ასევე აღნიშნა, რომ იგი მზად არის სასამართლოს წინაშე წარდგეს, თუმცა არ არის დარწმუნებული, რომ სასამართლო პროცესი მიუკერძოებლად წარიმართება.
კატალონიის ყოფილი მთავრობის წევრების წინააღმდეგ სისხლის სამართლის საქმე აღიძრა. მათ ბიუჯეტის არამიზნობრივად გაფლანგვაში, დაუმორჩილებლობასა და ამბოხების მცდელობაში ედებათ ბრალი. რამდენიმე საათის წინ კი, ესპანეთის საკონსტიტუციო სასამართლომ კატალონიის ყოფილი მთავრობის მიერ ხელმოწერილი ცალმხრივი დამოუკიდებლობის დეკლარაცია გააუქმა. დოკუმენტს ხელი სწორედ კარლეს პუიჩდემონმა 10 ოქტომბერს მოაწერა.