გიორგი მელიამ გერმანიის ბუნდესლიგაში რუსი მეტოქე პირწმინდად დაამარცხა

საქართველოს ბერძნულ-რომაული სტილით მოჭიდავეთა ნაკრების წევრი, მსოფლიოს ჩემპიონი ახალგაზრდებს შორის გიორგი მელია (98) გერმანიის ბუნდესლიგაში დაუმარცხებლად ასპარეზობს.

საქართველოს ჭიდაობის ფედერაციის ინფორმაციით კლუბ “VfK 07 – Schifferstadt”-ში მოასპარეზე ქართველმა ლეგიონერმა ამჯერად რუს მაქსიმ საფარიანს გამოუყვანა წირვა. ქართველმა ფალავანმა მეტოქეს ჯერ ბრწყინვალე 4 ქულიანი გდება შეუსრულა, შემდეგ კი ტუშეზეც მოაყოლა და წმინდა გამარჯვება მოიპოვა.

აღსანიშნავია, რომ გიორგი მელიამ “VfK 07 – Schifferstadt”-ის რიგებში ხუთი შეხვედრა ჩაატარა და ხუთივეში გამარჯვებული გამოვიდა.