ეროვნულ გვარდიასთან შეტაკებასა და ფიზიკურ დაპირისპირებაში გადაიზარდა ოპოზიციის რამდენიმესაათიანი მასშტაბური აქცია კიევში. მიზეზი მიხეილ სააკაშვილის გადაწყვეტილება გახდა, რომლის მიხედვითაც კულტურისა და ხელოვნების საერთაშორისო ცენტრი ოპოზიციის საკოორდინაციო შტაბად გამოცხადდა. როდესაც საპროტესტო აქციაზე შეკრებილმა ათასობით ადამიანმა შენობაში შესვლა სცადა, მათ სამართალდამცველები გადაუდგნენ წინ, რაც, საბოლოოდ, დაპირისპირებით დამთავრდა. ოპოზიციის შესაჩერებლად ეროვნულმა გვარდიამ ცეცხლმაქრები გამოიყენა.