ილონ მასკის წარმოუდგენელი იდეითა და Roadster-ის კოსმოსში გასეირნებით მსოფლიო ჯერ კიდევ შთაბეჭდილების ქვეშ არის. Skoda-მ გადაწყვიტა მოვლენებს არც თავად ჩამორჩენოდა და ახალი მწვერვალების დასაპყრობად Skoda Superb-იც მარსზე გაუშვა. თუმცა, ამჯერად ეს მარსი დედამიწაზე მდებარეობს, ესეც მხოლოდ იმიტომ, რომ კომპანიის ავტომობილმა Falcon Heavy-ს აფრენას დროულად ვერ მიუსწრო. Tesla-ს სენსაციური სიახლის შემდეგ, Skoda-მ გულხელდაკრეფილად​ ჯდომას იუმორის გამოყენება არჩია და სააგენტო Rosapark-ის დახმარებით, ძალიან სახალისო ვიდეორგოლიც შექმნა.