უკრაინის პრეზიდენტმა პეტრო პორიშენკომ , გუშინდელ პრესკონფერენციაზე მიხეილ სააკაშვილი გააკრიტიკა, რასაც საქართველოს მესამე პრეზიდენტმა, ოდესის ოლქის ყოფილმა გუბერნატორმა და პარტია „ახალი ძალების მოძრაობის“ ლიდერმა „ფეისბუკზე“ უპასუხა. სააკაშვილმა პოროშენკო ოდესაში რეფორმების შეფერხებაშიც დაადანაშაულა.
„პრესკონფერენციაზე პეტრო პოროშენკომ განაცხადა, რომ მე მიმიპატიჟა ოდესაში, მომცა ყველა შესაძლებლობა და მე მისი ნდობა ვერ გავამართლე. რბილად რომ ვთქვათ, პრეზიდენტმა სიმართლე არ თქვა. მან ისე დამპატიჟა, როგორც ეპატიჟებიან გენერლებს ფრონტზე, შემდეგ კი სურთ, რომ ის ქორწილის გენერალი გახდეს და სადღეგრძელო წარმოსთქვას. მან პიარისთვის მიმიწვია, რათა უკრაინელებისა და უცხოელების თვალში შელამაზებულიყო“ - ამბობს სააკაშვილი. მისივე თქმით, პოროშენკოსთან პირადი კონფლიქტი არ აქვს. მათ „მსოფლმხედველობის კონფლიქტი“ აქვთ, რადგან სააკაშვილის თქმით, პოროშენკო კორუფციითაა დაკავებული.

„მან განაცხადა, რომ ჩემთან დაკავშირებით ყველაფერი კანონის თანახმად მოხდა. არ შეიძლება, ასე თავხედურად ტყუილის თქმა. რომელ ნორმალურ ქვეყანაში გინახავთ, რომ ადამიანს თმაზე ქაჩავდნენ, ტენიდნენ ვერტმფრენში, რომელიც ორი საათის განმავლობაში ქალაქის გარშემო ტრიალდებდა, არ აძლევდნენ საშუალებას, სამართლებრივად თავი დაიცვას, მოქალაქეობას ართმევდნენ. ყველასთვის გასაგებია, რომ ჩემთან დაკავშირებით ყველა პროცედურა დაირღვა,“ - განაცხდა მიხეილ სააკაშვილმა.

სააკაშვილი დარწმუნებულია, რომ უკრაინელი ხალხი პოროშენკოს მეორე ვადით არ აირჩევს, რადგან მისი კორუფციული გარიგებების დრო დასრულდა.

„კორუფცია პოროშენკოს კაბინეტში ცხოვრობს. კორუფცია მის თავშია. სთხოვო მას, კორუფციას ებრძოლოს იგივეა, რაც ფუტკრები აიძულო, თაფლი არ უყვარდეთ“ - ამბობს სააკაშვილი.