https://www.facebook.com/tvpirveli/

ტეგები: #ტვპირველი #ტელევიზია #სიახლეები #პოლიტიკა

ამერიკა ყოფილ პირველ ლედის, ბარბარა ბუშს გამოეთხოვა. სამგლოვიარო ცერემონია ჰიუსტონის საეპისკოპოსო ტაძარში ჩატარდა, რომლის მრევლიც ბარბარა ბუში იყო. ცერემონიას 1500-მდე ადამიანი დაესწრო, რომელთა შორის შეერთებული შტატების 4 ყოფილი პრეზიდენტი იყო. ბარბარა ბუშის მეუღლის და შვილის, უფროსი და უმცროსი ჯორჯ ბუშების გარდა, ცერემონიას ბილ კლინტონი და ბარაქ ობამაც დაესწრნენ. ცერემონიალზე იმყოფებოდნენ, ჰილარი კლინტონი, მიშელ ობამა და მელანია ტრამპი.

პრეზიდენტი დონალდ ტრამპი დაკრძალვას არ დაესწრო. მან განაცხადა, რომ არ სურდა, უსაფრთხოების გაძლიერებული ზომების გამო ზედმეტი უხერხულობა შეექმნა ბუშების ოჯახისთვის.

92 წლის ბარბარა ბუში 18 აპრილს გარდაიცვალა. ის შეერთებული შტატების 41-ე პრეზიდენტის მეუღლე და 43-ე პრეზიდენტის დედა იყო.