საქართველოს პრეზიდენტმა პარლამენტში სიტყვით გამოსვლისას ყურადღება გაამახვილა პოლიტიკური ინსტიტიუტების შესუსტენბაზე.
გიორგი მარგველაშვილის თქმით, საპარლამენტო არჩევნების რეფორმა უვადოდ გადაიდო.

"პოლიტიკური ინსტიტუტების შესუსტება, პოლიტიკოსების წინააღმდეგ გადადგმული ნაბიჯები, რომელიც შეიძლება იმ მომენტში კონკრეტულ პოლიტიკოსს აზიანებდეს, მაგრამ საბოლოო ჯამში ამ ქვეყნის ინსტოიტუციურ მართვას ასუსტებს"- განაცხადა მარგველაშვილმა.

ქვეყნის პირველი პირის განცხადებით, "2016 წლის არჩევნები პოლიტიკური კლასის მიზანმიმართული გაქრობა იყო".

“2016 წლის არჩევნები იყო მიზანმიმართული გაქრობა პოლიტიკური კლასის, მიზანმიმართული შესუსტება პოლიტიკური პარტიების, როგორც მთავარი მოთამაშეებისა პოლიტიკურ სივრცეში. ამ პერიოდის განმავლობაში არ გადაიდგა ნაბიჯები იმისთვის, რომ გაძლიერებულიყო პოლიტიკური ოპოზიცია, იმისთვის, რომ შექმნილიყო წინაპირობა ძლიერი ოპოზიციისთვის, არც ერთი კანონმდებლობა არ შეიქმნა ამ მიმართულებით"- თქვა მარგველაშვილმა.

ქვეყნის პრეზიდენტმა 2015 წელს წამების კადრების საჯაროდ ჩვენებაც გაიხსენა და აღნიშნა, რომ მსგავსი ფაქტები ევროპული პოლიტიკური კულტურტურისგან გვაშორებს.
"როცა მახსენდება 2015 წელს წამების კადრების საჯარო ჩვენება, შემიძლია ვთქვა, რომ ევროპული პოლიტიკური კულტურიდან და კლასიდან ნამდვილად გვაშორებს ასეთი ნაბიჯები. თუმცა ნამდვილად, ამ წლების განმავლობაში შეიცვალა სახელმწიფოს სახე და ის აღარ არის აგრესიული. მოქალაქეს სახელმწიფოსი აღარ ეშინია. ეს ნიშნული თავიდანვე, 2012 წელს დაიდო და ეს ნიშნული შენარჩუნებულია. პოზიტიური ცვლილებები ხდება, რროგორც პენიტენციულურ სისტემაში ასევე სისხლის სამართლებრივი დევნის თვალსაზრისით. ის პიროვნებები რომლებიც ასოცირებულები არიან ძალადობასთან რომლრბიც ასოცირებულები არიან, ამ პიროვმებებისგან უნდა დაცლილიყო სამართლებრივი სისტემიდან"- თქვა პრეზიდენრტმა.