ტურიზმის ინდუსტრია მოსალოდნელზე უფრო სწრაფი ტემპით გაიზრდება, ვიდრე World Travel and Tourism Council-ს აქამდე ჰქონდა გამოკვლეული, - აცხადებს საქართველოს ექს-პრემიერ მინისტრი.ნიკა გილაურმა მისი ორგანიზაციის Reformatics-ის ახალი კვლევა სან- სებასტიანში, მსოფლიო ტურიზმის ორგანიზაციის აღმასრულებელი საბჭოს წარუდგინა.
„ჩვენი კვლევის მიხედვით, ტურიზმის წილი მსოფლიო მშპ-ში მომდევნო წლებში ორჯერ უფრო მაღალი ტემპით გაიზრდება, ვიდრე აქამდე იზრდებოდა (და თითქმის გაორმაგდება 2040 წლისათის). ჩვენი კვლევა აჩვენებს რომ ტექნოლოგიების სწრაფი განვითარების ფონზე ძირეულად შეიცვლება მსოფლიო მშპ-ის შემადგენლობა (რასაც უკვე ვხედავთ ფინტეკის, რობოტიქსის და ხელოვნური ინტელექტის განვითარების ფონზე) და ბევრი არსებული ინდუსტრია სულ სხვა მიმართულებით განვითარდება, ვიდრე ეს დღეს ხდება - თუმცა ერთი რამის თქმა დანამდვილებით შეიძლება - მსოფლიო მშპ-ში თანამედროვე ტექნოლოგიების და ტურიზმის წილი საგრძნობლად გაიზრდება“, - წერს გილაური Facebook-ში თავის გვერდზე და აღნიშნავს, რომ Reformatics -ი აქტიურად განაგრძობს ტურიზმის სექტორის კვლევას, რადგან მიაჩნიათ, რომ ეს არის ინდუსტრია, რომელიც მომავალში ყველა ქვეყნის ეკონომიკის ერთ-ერთი ძირითადი მამოძრავებელი ძალა იქნება.
მისი თქმით, Reformatics-ის კვლევა ემთხვევა საჰაერო ტრანსპორტის საერთაშორისო ასოციაციის (IATA) კვლევას, რომლის მიხედვითაც 2036 წლისთვის, საჰაერო მგზავრთა რაოდენობა გაორმაგდება და მიაღწევს 7.8 მილიარდ მგზავრს.

სტუმრები: მაია სიდამონიძე – ილიაუნის ბიზნესის სკოლის ტურიზმის ცენტრის ხელმძღვანელი.
ანდრო ასლანიშვილი – ღვინის ეროვნული სააგენტოს თავმჯდომარის მოადგილე;
ელენე ბუხაიძე - "ღვინის ტურიზმის ასოციაცია", ბორდის თავმჯდომარე

29.05.2018