აშშ-მა და დიდმა ბრიტანეთმა დემონსტრაციების სასტიკი დარბევის გამო შსს მინისტრს ვახტანგ გომელაურს სანქციები დაუწესა. ვაშინგტონმა გომელაური გლობალური მაგნიტსკის სიაში შეიყვანა. სანქციები ასევე შეეხო შსს-ს კიდევ ხუთ მაღალჩინოსანს. თავის მხრივ სანქციებზე გამოცხადებულ გადაწყვეტილებას ჯილდოს დაწესებით და ზარალის ანაზღაურებით უპასუხეს საქართველოს თვითგამოცხადებული მთავრობის წევრებმა.

"ოცნების" პრემიერის განცხადებით, სახელმწიფო აშშ-ის მიერ სანქცირებულ პირებს ფინანსურ დანაკლისს აუნაზღაურებს, - დასანქცირებული პირებისთვის საჭიროების შემთხვევაში კომპენსაციები არც მეტი არც ნაკლები სახელმწიფო ბიუჯეტიდან გაიცემა.

მიხეილ ყაველაშვილის პრეზიდენტად ინაუგურაციის შემდეგ კი შსს-ს 11 მაღალჩინოსანი, მათ შორის სანქცირებული მინისტრი ვახტანგ გომელაური და გდდ-ს დირექტორი ზვიად ხარაზიშვილი ღირსების ორდენზე იქნებიან წარდგენილნი.

რა პროცესები მიდის ქვეყნის შიგნით და რეაგირების რა ზომებზე გადავიდნენ ჩვენი პარტნიორები?

სტუმარი: ნინო ევგენიძე - ეკონომიკური პოლიტიკის კვლევის ცენტრის დირექტორი;

#ახალიამბები #BusinessMediaGeorgia