ეთერ კიღურაძე 2017 წლის მაისიდან ეროვნული სკრინინგ ცენტრის დირექტორი გახლავთ , სადაც 2015 წლიდან იყო ჯერ სერვისების განვითარების მენეჯერის, შემდგომ კი ადმინისტრაციული სამსახურის უფროსის პოზიციაზე. უმაღლესი სამედიცინო განათლების მიღებისა და კარდიოლოგიის მიმართულებით რეზიდენტურის სრული კურსის დამთავრების შემდეგ 2002-2011 წლებში მუშაობდა თბილისის სასწრაფო სამედიცინო დახმარების ცენტრში. 2008 წლიდან, ამავე დაწესებულების ბაზაზე შექმნილი სასწავლო ცენტრის ერთ-ერთი დამაარსებელი და ხელმძღვანელი და ამერიკის გულის ასოციაციისა და ელზევიერის უნივერსიტეტის საერთაშორისო კურსების ტრენერი გახდა. 2011 წელს მუშაობა დაიწყო საქართველოს შრომის, ჯანმრთელობისა და სოციალური დაცვის სამინისტროს სოციალური მომსახურების სააგენტოს ჯანმრთელობის დაცვის პროგრამების სამმართველოში მთავარ სპეციალისტად და, ასრულებდა სამმართველოს უფროსის მოვალეობას, ხოლო 2012-2015 წლებში იყო ამავე სააგენტოს ჯერ ჯანმრთელობის დაზღვევის პროგრამების, ხოლო შემდეგ ტესტირებისა და ბიზნეს პროცესების მართვის სამმართველოს უფროსი.

სტუმარი: ეთერ კიღურაძე - „სკრინინგ ცენტრის“ დირექტორი