"ოცნებამ ისე დაკარგა რეიტინგი,რომ ის კონვულსიებშია და ცდილობს მორიგი აფიორა ჩაატაროს საპრეზიდენტო კანდიდატთან დაკავშირებით.ამჯერად ეს ხრიკი არ იმუშავებს" - საპრეზიდენტო არჩევნებთან დაკავშირებით მორიგ ვიდეო მიმართვას აკეთებს საქართველოს მესამე პრეზიდენტი. მიხეილ სააკაშვილი დარწმუნებულია, რომ საპრეზიდენტო არჩევნებში გამარჯვებას გრიგოლ ვაშაძე მოიპოვებს.
„ყველა ხედავთ რა ხდება ივანიშვილის საპრეზიდენტო კანდიდატთან დაკავშირებით. ჯე თვითონ აპირებდა დაყენებას, რადგან სისხლის სამართლის საქმეები აქვს აღძრული დასავლეთში, შემდეგ მასთან მივიდნენ ელჩები და ძალიან გამჭვირვალედ და ზრდილობიანად აუხსნეს, რომ მისი კანდიდატად დაყენება არ იქნებოდა კარგი და შემდეგ თქვეს, რომ ჩვენ არ დავაყენებთ და სხვას დავუჭერთ მხარს. გაუჩნდათ იდეა სალომე ზურაბიშვილის და გამოჩნდა, რომ სალომე ზურაბიშვილი არამცთუ კარგი კანდიდატი არ არის არამედ უბრალოდ რქიანი ეშმაკია, რადგან ისეთი რაღაცეები აქვს ნალაპარაკები საქართველოს წინააღმდეგ, რომ მეთვითონაც არ ვიცოდი და გაოგნებული ვარ, უბრალოდ საქართველოს მტერია. ახლა დაიწყეს აქეთ იქით ძებნა, პოლოლიკაშვილი, რომელიც იყო ძალიან სუსტი მინისტრი ჩვენს მთავრობაში და გავუშვით... მოკლედ ეძებენ ჩემს მიერ გაგდებულ კადრებს შორის იქნებ ვინმე იპოვონ, თავისი არავინ ჰყავს. ივანიშვილი ვერ დასვამს ვერავის. მე გეუბნებით, გია ვაშაძე იქნება საქართველოს პრეზიდენტი და ნინო ანანიაშვილი საქართველოს პირველი ლედი“ - განაცხადა მიხეილ სააკაშვილმა.