მირელა სულა - საქმიანი ქალი, რომელმაც ყველაფერს საკუთარი ძალისხმევით მიაღწია. მირელა სულა ნამდვილად ძალიან საინტერესო ქალია, რომელსაც მედიისა და განათლების სფეროში მუშაობის 20-წლიანი გამოცდილება აქვს და მსგავს ღონისძიებებზე სპიკერიც არაერთხელ ყოფილა, მთელი მსოფლიოს მასშტაბით. მთელ თავის გამოცდილებას ქალების მოტივირებას, მათში კარიერული მისწრაფებების გაღვივებას და საკუთარი მიზნების დაცვის უნარის გაძლიერებას ახმარს. თავისი მიზნებიც არანაკლებ ამბიციურია: ჯერ საკუთარი ორგანიზაცია შექმნა - გლობალ ვუმენი და ამავე ორგანიზაციის კლუბი - გლობალ ვუმენ ქლაბ და ამჯერად - 2020 წლისთვის ამ კლუბში 1 მილიონი ქალი მეწარმის გაწევრიანებას ისახავს მიზნად.